കെ എസ്‌ ആർ ടി സി സ്വിഫ്‌റ്റിൽ ഡ്രൈവർ കം കണ്ടക്ടർ ആകാൻ അവസരം
.png)
കെ എസ്‌ ആർ ടി സി സ്വിഫ്റ്റിന്റെ ഉടമസ്ഥതയിലുള്ള ബസുകളിൽ ഡ്രൈവർ കം കണ്ടക്ടർ തസ്തികയിലേക്ക് ഒഴിവുകൾ വന്നിട്ടുണ്ട്.
കരാർ അടിസ്ഥാനത്തിലാണ് നിയമനം നടത്തുന്നത്. ജോലിയ്ക്ക് നിയോഗിക്കുക നിഷ്കർഷിക്കുന്ന സേവന വേതന വ്യവസ്ഥകൾ പ്രകാരം ജോലിചെയ്യുന്നതിന് കരാറിൽ ഏർപ്പെടുന്നവരെയാണ്‌. കരാറിനൊപ്പം 30,000 രൂപയുടെ സെക്യൂരിറ്റി ഡെപ്പോസിറ്റും സമർപ്പിക്കണം.
നിലവിലെ ജീവനക്കാർക്ക്‌ അപേക്ഷിക്കാൻ സെക്യൂരിറ്റി ഡെപ്പോസിറ്റ് ആവശ്യമില്ലെന്ന് അധികൃതർ അറിയിച്ചിട്ടുണ്ട്.
ഹെവി ഡ്രൈവിങ്‌ ലൈസൻസ് ആണ് യോഗ്യതയായി പറയുന്നത്. തെരഞ്ഞെടുക്കപ്പെട്ടാൽ മോട്ടോർ വാഹന വകുപ്പിൽ നിന്ന് നിശ്ചിത സമയത്തിനുള്ളിൽ കണ്ടക്ടർ ലൈസൻസ് നേടിയ വ്യക്തി ആയിരിക്കണം.
അംഗീകൃത ബോർഡ്‌/സ്ഥാപനത്തിൽ നിന്ന് 10–ാം ക്ലാസ് ജയം നിർബന്ധമാണ്.
മുപ്പതിലധികം സീറ്റുകളുള്ള ഹെവി പാസഞ്ചർ വാഹനങ്ങളിൽ അഞ്ച്‌ വർഷത്തിൽ കുറയാതെ ഡ്രൈവിങ്ങിലുളള പ്രവൃത്തി പരിചയം ആവശ്യമായി പറയുന്നുണ്ട്.
വാഹനങ്ങളുടെ പ്രവർത്തനത്തെപ്പറ്റിയുളള അറിവും വാഹനങ്ങളിലുണ്ടാകുന്ന ചെറിയ തകരാറുകൾ കണ്ടെത്തി പരിഹരിക്കുന്നതിനുളള അറിവ് അപേക്ഷകർക്ക് ആവശ്യമായി പറയുന്നുണ്ട്.
വ്യവസ്ഥകൾക്ക് അനുസൃതമായി 10 മണിക്കൂർ വരെ ജോലി ചെയ്യാൻ കഴിവ് ഉണ്ടായിരിക്കണം.
സിവിൽ സർജൻ റാങ്കിൽ കുറയാത്ത സർക്കാർ ഡോക്ടറിൽ നിന്നും നേത്ര രോഗ വിദഗ്ധനിൽനിന്നും ലഭ്യമായ സർട്ടിഫിക്കറ്റുകൾ അപേക്ഷയോടൊപ്പം ഹാജരാക്കണം.
മലയാളവും ഇംഗ്ലീഷും എഴുതുവാനും വായിക്കുവാനും കണക്കുകൂട്ടലുകളിലും അറിഞ്ഞിരിക്കണം. 25 മുതൽ 55 വയസുള്ളവർക്ക് അപേക്ഷ സമർപ്പിക്കാവുന്നതാണ്.
വിജയകരമായി ട്രെയിനിങ്‌ പൂർത്തീകരിക്കുന്നവർ നിർബന്ധമായും കെഎസ്‌ആർടിസി സ്വിഫ്‌റ്റിൽ രണ്ടു വർഷം (ഒരു വർഷം 240 ഡ്യൂട്ടിയിൽ കുറയാതെ) സേവനം അനുഷ്ഠിക്കേണ്ടതാണ്.
അല്ലാത്ത പക്ഷം നൽകിയ സെക്യൂരിറ്റി ഡെപ്പോസിറ്റ് തിരികെ ലഭിക്കുന്നതല്ല. തെരഞ്ഞെടുക്കപ്പെടുന്നവർ സ്വന്തം താമസസ്ഥലത്തുള്ള പൊലീസ്‌ സ്‌റ്റേഷനിൽനിന്ന്‌ പൊലീസ്‌ ക്ലിയറൻസ് സർട്ടിഫിക്കറ്റ് 10 ദിവസത്തിനകം ഹാജരാക്കണം.
സെലഷൻ കമ്മിറ്റി നടത്തുന്ന എഴുത്തുപരീക്ഷയിൽ പാസായവർക്ക്‌ ഡ്രൈവിങ്‌ ടെസ്‌റ്റിൽ പങ്കെടുക്കാൻ കഴിയും. ഇതിലും ജയിക്കുന്നവർക്ക്‌ അഭിമുഖത്തിൽ പങ്കെടുക്കാൻ അവസരം ലഭിക്കും.
റാങ്ക് ലിസ്റ്റിന്റെ അടിസ്ഥാനത്തിൽ ഒഴിവുകൾ വരുന്ന മുറയ്ക്ക് താൽക്കാലിക നിയമനം നൽകും. റാങ്ക് ലിസ്റ്റിന്റെ കാലാവധി ഒരുവർഷമാണ്‌. കെഎസ്ആർടിസിയിൽ അഞ്ചു വർഷമോ അതിലധികമോ ജോലി ചെയ്തുപരിചയമുള്ളവർക്ക് മുൻഗണന. സെപ്‌തംബർ 15ന് വൈകിട്ട്‌ 5 വരെ www.cmd.kerala.gov.in വഴി ഓൺലൈനായിഅപേക്ഷിക്കാം.